Skip to main content

EDUKASYON (Macoy)

Hindi natin mapagkakaila na ang ating bansa ay marami pa ring kinakaharap na problema at isa na rito ay hindi lahat ng tao ay nakatatamasa ng kalidad na edukasyon. Ayon sa Kagawaran ng Edukasyon, umabot sa 1.207 milyon ang mga batang may edad na anim na taon ang hindi nakapag-aaral at ito ay nadadagdagan pa. Ilan sa mga dahilan nito ay ang hindi pagkakaroon ng sapat na kakayahan para makapag-aral, hindi nabibigyan ng oportunidad para makapag-aral, at kakulangan sa mga pasilidad o paaralan sa kanilang lugar. Bukod pa rito, isa rin ang kahirapan sa pinakamalaking dahilan kung bakit hindi nakapag-aaral ang isang tao dahil may mga taong pinipili na lang na magtrabaho kaysa mag-aral upang matugunan ang kanilang pangangailangan. Ang kawalan ng kalidad na edukasyon ay may malaking epekto sa buhay ng tao kaya naman mahalaga na masolusyonan natin ang problemang ito.

Ang edukasyon ay tumutukoy sa pagkatuto ng isang tao na upang mapagyaman ang kaniyang kaalaman. Ito ay isa sa mahahalagang bagay sa buhay ng isang tao dahil sa pamamagitan nito, napupunan ang kakulangan niya sa kaalaman, natututunan niya ang mga bagay na importante sa araw-araw nating pamumuhay tulad ng pagbabasa at pagsusulat, nalalaman niya ang kaniyang mga karapatan, at natututunan niya ang mga bagay na hindi niya matututunan sa labas ng paaralan. Ang hindi pagkakaroon ng kalidad na edukasyon ay may malaking epekto sa isang tao at isa na rito ay ang kawalan ng trabaho. Ito ay dahil marami pa rin ang hindi tumatanggap ng trabahador o manggagawa na hindi nakapagtapos ng pag-aaral at dahil dito, hindi rin natutugunan ng tao ang kaniyang mga pangagailangan na nakaaapekto rin sa kaniyang pamumuhay. Ang lahat ng tao ay may karapatan na makapag-aral ngunit dahil sa kahirapan at iba pang dahilan, hindi lahat ay nararanasan ito. Kung kaya't mahalagang mabigyan ang lahat ng tao ng oportunidad na makapag-aral at mapagyaman ang kanilang kaalaman. Ang pagbibigay ng sapat pansin ng gobyerno sa problemang ito ay isa sa mga epektibong solusyon dahil responsibilidad nilang siguraduhin na nabibigyan ng pantay-pantay na karapatan at oportunidad ang kanilang pinamumunuan. Bukod pa rito, ang paggawa ng mga programa na maaring makatulong sa mga taong nais makapag-aral at pagpapatayo ng mga paaralan sa iba't ibang lugar upang hindi na nila kailangang lumuwas para mag-aral ay nakatutulong din upang matugunan ang problemang ito.

Ang edukasyon ay mahalaga sa bawat tao dahil sa pamamagitan din nito, namumulat tayo sa katotohanan na nangyayari sa ating mundo at kung wala ito, patuloy tayong mamumuhay nang walang alam at pakialam sa ating paligid. Tandaan na walang masama sa pagiging uhaw sa kaalaman at paghahangad na makapag-aral dahil wala nang mas mahalaga kaysa sa ating kaalaman na maari rin nating ibahagi sa iba.

Comments

Post a Comment

Popular posts from this blog

PANDEMYA AT KAWALAN NG TRABAHO (Jacob)

Paano nga ba nila na solusyon ang mga problema ng kahirapan sa biglang pagdaan ng pandemya? Ano ang mga naging paraan at solusyon nila sa pang-araw-araw pamumuhay? S a pagdaan ng pandemya karamihan sa mga nawalan at nagtanggal sa trabaho ay nag-isip sila ng paraan kung paano nila masosulusyunan ang kinakaharap nilang problema dahil sa pandemya. kaya naman karamihan sa mga tao ay naisipan nila na magbenta ng mga bagay-bagay o ibat-ibang klase ng mga produkyo sa  social media o sa ibat-ibang klase ng social network. Ito ang mga naging solusyon nila sa kinakarap o pinagdaanang pagsubok sa kanilang buhay dahil sa pandemya. Gayunpaman naging malaking tulong ang teknolohiya sa kanilang pagbebenta ng mga damit upang maitawid lamang ang kanilang pang-araw-araw. Kaya naman  marami ng mga tao ang nahikayat magbenta ng gamit sa social media.
Post a Comment
Read more

PAGBABAGO NG KLIMA (Vicente)

Isang halimbawa ng sanaysay tungkol sa kapaligiran. Maraming isyu ang kinakaharap ng ating bansa sa kasalukuyan. Ngunit kung ako’y bibigyan ng pagkakataon na maging bahagi ng mga isyung ito, ang una kong pagtutuunan ng pansin ay ang isyu tungkol sa ating kapaligiran. Ginawa ko ang sanaysay na ito upang mailahad ko ang mga bagay na aking naiisip na kaakibat ng ating kapaligiran sa kasalukuyang panahon. Patuloy na nasisira ang ating kapaligiran, dahilan upang magkaroon ng negatibong pagbabago hindi lamang dito sa ating bansa bagkus pati na rin sa buong daigdig. Ang lumalalang sitwasyon ay nagiging dahilan upang magkaroon ng pangyayari na tinatawag na global warming. Ang global warming ay ang pagtaas ng temperatura ng ating mga karagatan at atmosphere at ang patuloy na paglala nito. Sinasabi ng mga scientist at mga eksperto na ang dahilan nito ay ang pagsusunog ng mga fossil fuels na nagiging sanhi ng pagkasira ng ozone layer ng ating atmosphere. At dahil unti-unting nabubutas ang ozone
Post a Comment
Read more

PAGHARAP SA SARILING PROBLEMA (Albar)

Lahat naman tayo ay may kanya kanyang problema. At lahat dapat ng problema nilalagpasan o sinosolusyonan. Mahalaga ang problema sa ating buhay dahil jan tayo matututo pano iresolba ito. Hindi lang tayo mag aayon sa mga tao o saatin. Maari din tayong humingi sa diyos ng guidance para sa tinatahak nating problema. Para lalo tayong mas malinawan at mas lalo tayong mapalapit sakanya. Dahil di sa lahat ng pag kakataon meron tayong masasandalang tao para i-kuwento o ibahagi ang ating mga problema. Kaya dapat may isa tayong kinakausap at pinag kakatiwalaan ayun ay ang diyos. Dahil kahit anong oras pwede mo syang kwentuhan pwede mo syang masandalan sa mga problema mo. Mag dasal kalang sakanya ng taimtim at siguraduhin hindi mo gagamitin sa masama ang mga bagay na hiniling mo sakanya. At kung maresolba mo man ang problema mo ng ikaw lang mag isa. Mag pasalamat ka parin sa kanya dahil siya ang nagbigay sayo ng lakas at tapang para malagpasan ang problema na yun. Kahit hindi ka humiling o nag das
Post a Comment
Read more